प्रसादने माझ्या ज्ञानाच्या कक्षा रुंदावण्याचा प्रयत्न केला. 
म्हणाला "ताजमहाल म्हणजे पूर्वीचे शिवमंदिर, आणि बांधणारे कोण? हिंदूच.
त्यांनी अशी मेख केली की घुमटाला एक छिद्र ठेवले ज्यामुळे सूर्याचा प्रकाश थेट मुमताजच्या थडग्यावर पडेल, कारण थडग्याच्या खाली शंकराची पिंड आहे."
मला माझे अज्ञान लपवता आले नाही.

माझ्या ज्ञानात भर टाकावी या हेतूने त्याने "हज" यात्रा आणि हिंदू धर्म यांचा असलेला संबंध मला सांगितला.
"हज यात्रेला जाणारे सैतानाला दगड मारण्याचे पवित्र कार्य करतात म्हणजे नक्की काय करतात?
बरं तीथं पाणी घेऊन जायला बंदी आहे.
तुझ्याकडे पाणी सापडले की तुला तुरुंगात टाकले समजा!
कशासाठी एव्हढं सगळं माहीत आहे का"?

"नाही बुवा, मला यातलं काहीच माहीत नाही."

"अरे तिथे पूर्वी जागृत शिवलिंग होते. पण हि लोक त्याला सैतान म्हणून दगड मारतात आणि पाण्याचा एक थेंबदेखील घेऊन जायला मनाई करतात.
त्यांनी तिथं बांधकाम केलं आहे त्यात हे शिवलिंग गाडून टंकलंय."

मी फक्त गाढवासारखी मान हलवली.